ARTIKEL

Anang ngelakka ulah makai suap

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Ulah makai suap dalam sektor perintah deka nyadi penyakit sereta ngeruga sektor ekonomi sebuah menua enti enda ditagang.

Kepala Menteri Datuk Patinggi Abang Johari Tun Openg madahka sektor perintah endang suah dikumbai sektor ti muntang tebuka ngagai pengawa salah makai suap kelebih agi menua ti benung deka mansang.

“Nya alai, pengawa salah makai suap tu enda ulih dipeda sepiak mata aja.

“Pengawa nya deka ngasuh belanja menua tiris, orang luar enggai beranakka puku, ngeruga pengelikun enggau pengerai mensia mayuh,” ku iya.

Teks jaku Abang Johari nya dibacha Menteri Muda Pemansang Mengeri enggau Pengeraja Asal Datuk Haji Len Talif Salleh nyerumba Hari Integriti Sarawak Forestry Corporation (SFC) di Palan Aum Borneo Kuching (BCCK) ditu, kemari.

Ku iya, sedar enggau pekara tu, iya empu udah numbuhka sekeda inisiatif dalam negapka atur pengawa perintah awakka lebih jampat, beresi sereta lepas ari pengawa salah makai suap.

“Entara pengawa digaga aku iya nya, ngatur latih ungkup raban pemesai perintah ba baruh Program Pemesai Integriti Profesional (CeLO).

“Kelimpah ari nya, aku mega ngatur penuduk sida ba opis enggau ejensi bekaul dikena nyeliahka nadai raban perintah bebalut enggau pengawa makai suap.

“Pia mega, aku minta Unit Integriti enggau Ombudsman Nengeri (Union) ngatur pansik sereta ngaga makanisme di renggat perintah, kuasa undang-undang enggau pelasar pejalai awakka ulih nyadi sebuah palan ti bepengerai enggau maju,” ku iya.

Abang Johari nangkan ke nya madahka, iya berasai gaga meda SFC mujur ngatur Hari Integriti keterubah organisasyen nya.

“Tu nunjukka raban SFC deka ngejangka diri sida ari pengawa salah makai suap sereta ngangkatka organisasyen tu tinggi agi ngambika dipebasa mensia mayuh.

“Nya alai, aku mai kitai semua ngambika sama ngintu komitmen SFC nuju sebuah oraganisasyen ti lepas ari pengawa salah makai suap,” ku iya.

BERITA LAIN

BERITA TERBARU