ARTIKEL

Cuepacs minta penetap baru gaji minimum RM1800

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

GILBERT (kiba) nyuaka tepa ngagai Adnan maya ngulu Program Gempuru Pegawai Polis Diraja Malaysia (PDRM) Kontijen Sarawak ke diatur ba Dewan Suarah Sibu, kemari

SIBU: Kongres Serakup Orang Gawa Perintah (Cuepacs) ngansak perintah netapka gaji minimum baru manggai RM1,800 ungkup sektor perintah taun tu.

Presiden iya Datuk Adnan Mat maya dirandau media pengudah ngulu Program Gempuru Pegawai Polis Diraja Malaysia (PDRM) Kontijen Sarawak ke diatur ba Dewan Suarah Sibu, kemari madah gaji minimum jam ke diatu ba sektor nya semina RM1,200 sebulan.

Kenu ku iya, Cuepacs sepenemu merambu penetap gaji minimum baru RM1,800 ungkup sektor perintah lalu enda ngelui ari nya.

“Kami merambu RM1,800 nyadi gaji minimum. Nama enda RM2,000 tauka RM3,000?  Kami ngasaika perintah ulih meri (RM1,800) begulai enggau elaun ungkup pengidup (Cola) serantau enggau elaun rumah.

“Kami melabaka penatai pemisi beresi iya nya urung RM2,450 sebulan,” ku iya.

Adnan madah, beduduk ari perintah udah merambu nyapai juluk nyadi menua besai penatai pemisi manggai 2025, nyadi pekara nya patut pupuk dipansik lebih agi elaun orang gawa perintah.

Kenu ku iua mega, Menteri Besai Datuk Seri Ismail Sabri Yaakob udah madah Kabinet enggau ba Parlimen kena 27 November 2021 dibaruh Langgur Malaysia Lumpar Ke-12 (RMK-12) iya nya perintah merambu juluk nyapai status menua besai penatai pemisi manggai taun 2025.

Beduduk ari nya, ku iya perintah ngelempaika juluk penatai pemisi ruang bilik ba menua tu ulih manggai RM10,000.

“Nya alai nengah empat iku bepenatai pemisi RM2,500 ba sepintu bilik, nyadi nya deka ngujungka sida nyapai penatai pemisi manggai RM10,000,” ku iya.

Adnan mega ngarapka perintah ulih meresa 10 taun sistem gaji nya.

“Kepenudi sistem gaji nya diperesa kena 2002. Diatu udah datai taun 2022,nyadi taun tu patut diperesa baru,” ku iya.

Iya madah, taja raban sida mereti gaya ekonomi enda berapa manah ketegal pangka pandemik COVID-19, sistem gaji baru nya tau mantu raban orang gawa perintah berasai lantang setipak enggau ungkus pengidup diatu.

“Kitai deka sistem gaji baru lebih manah, ulih besemekih enggau penatai pemisi setipak enggau orang gawa perintah,” ku iya.

Bisi 1.6 juta orang gawa perintah ba menua tu lalu 1.2 juta ari sida nya endang kaban Cuepacs.

Kaunsil nya diatur betuaika Pengatur Pengawa Polis ba Indu Opis Polis Kontijen Sarawak SAC Gilberd Philip Layang.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU

Bertemu semula lepas 47 tahun

KUCHING: Pelajar Tingkatan Enam Kolej Tun Datu Tuanku Haji Bujang Miri 1977 berkumpul di Hotel Serapi, di sini untuk majlis makan malam perjumpaan pada 18

100 guru berpeluang lihat prototaip ART dari dekat

KUCHING: Seratus warga pendidik berpeluang melihat secara dekat prototaip kenderaan Transit Aliran Autonomi (ART) dalam satu lawatan mereka di sini, baru-baru ini. Delegasi yang terdiri