Trending

Elaun nyadika peransang kami mai pulai midul

Facebook
Twitter
WhatsApp
Telegram
E-mel

KUCHING: Nadai jaku bukai kelimpah ari jaku terima kasih, ku Muhammad Nur Syaiful Zulkafli, siku ari atlit nyemerai Para Sarawak ke deka bepekit ngarika Malaysia ba Lumba Paralimpik Tokyo 2020.

Iya ke ngarika empat iku bakih bukai, Bonnie Bunyau Gustin (Angkat Berat), Jong Yee Khee (Angkat Berat), Jamery Ak Siga (Nyemerai) enggau Wiro Julin (Nimbakka Laja).

Sida ngenataika jaku terima kasih pengudah Kepala Menteri Datuk Patinggi Abang Johari Tun Abang Openg madah meri elaun RM10,000 siku ngagai semua lima iku atlit Para Sarawak lebuh ngenataika Pesan Khas, ditu kemari.

“Terima kasih nuju Kepala Menteri enggau Perintah Sarawak laban udah meri sukung.

“Pekara nya nyadika peransang kami ke deka bepekit ba Lumba Dunya nya,” ku Muhammad Nur Syaiful.
Ku Muhammad Nur Syaiful, iya enggau bakih ke bukai ngembuan niat naka ulih bepekit enggau manah ba genap lumba diarika sida.

Kelimpah ari nya, pengawa meri elaun nya dikearap ulih nyadi peransang mai pulai midul ungkup menua tu.

Suka artikel:

e-Akhbar Suara Sarawak

Berita Berkaitan

E-Paper

22 September 2023

Berita Terbaru