Laya bejudi, kempang munuh menyadi diri

SIMANGGANG: Siku pengereja ladang peranak Indonesia beumur 16 taun dipechara ba Kort Majistret Sri Aman pagi tadi pengudah dipelaba munuh menyadi tuai iya ketegal main judi.

Tuduh dibacha di baruh Seksyen 302 Kanun Keseksaan laban munuh.

Taja pia, kort ngasuh saspek dianjung ngagai Rumah Jil Sri Aman sekumbang timpuh reman nyentuk kes disebut baru 5 Mei ila.

Ketuai Polis Pelilih Betong Deputi Superintendan Zamry Alli lebuh ditanya udah nya madah, saspek dipelaba munuh menyadi tuai iya kena 25 March ba rumah lus sebuah ladang sawit semak Pelilih Pusa.

“Lebuh penusah nyadi, seduai menyadi beserekang penemu lebuh main kad Domino ngujungka seduai belaya.

“Pemuas ke belaya, saspek lalu ngambi lungga sereta ngerejang menyadi tuai iya ba rusuk kiba dataika siku nya parai dia tekala nya,” terang Zamry.

Sama datai Ketuai Bagi Pekara Pansik Penyalah Pelilih Betong ASP Marcel Ireneus Mustari.

Suara Sarawak