ARTIKEL

Pereba mantu orang tusah ketegal pandemik Covid-19

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Kelab Penampak Rebak Baru (Pereba) betuaika Martin Saba Changgai udah nganjung bantu pemakai ngagai raban begunaka bantu ngelingi menua nya.

Iya ke mega Chairman Pereba madah, 25 tungkus pemakai udah dianjung ngagai bala penerima ti datai ari rayat menua tu empu enggau menua luar ti bekereja ditu.

Ku iya, 16 tungkus disua ngagai peranak Malaysia, tiga ungkup rayat Pilipina enggau Indonesia nerima empat seraya dua tungkus agi diberi ngagai Orang Nyelai Pendiau (OKU).

“Kami sebuat nyadung bantu pemakai tu ngagai sida ti udah putus pengawa enggau suntuk pemakai ketegal pandemik Covid-19 ti agi balat ngerekai ba menua kitai diatu.

“Pemeri pengasih tu diagih nadai ngira bansa, jalai pengarap enggau perayat menua ni seagi sida begunaka bantu nitihka pematut.

“Tu kelai penyinu enggau pengasih kitai ke penusah ditapi pangan diri,” ku Martin ba sebengkah penerang berita ngagai Suara Sarawak, kilah ensanus.

Program napatka bala pengereja ke diau ba lus di Jalai Kemuyang, Jalai Tunku Abdul Rahman, Farley, Jalai Salim enggau genturung pendiau di Permai Sibu.

“Aku ngarika bala komiti kelab enggau penerima bantu meri besai terima kasih ngagai semua bala ke udah gerah jari nyuaka pemeri lalu ngarapka mayuh agi orang mantaika penyinu lalu besaup mantu raban ti begunaka bantu nengah kelab kami.

“Tarak ulah ti siru enggau kasih ba kitai empu ngambi ulih diteladan bala bukai, mesti ngembuan ulah deka kiruh enggau ati sinu ngagai penusah orang bukai,” ku Martin nibarka jaku lalau.

Sama ngaul diri ba program nya Sapit Chairman Pereba, Lau Ensur enggau Sapit Sekretari Lineker Philip disempulang bala kaban komiti kelab ke bukai.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU