Saspek besai kes bedagang mensia di Kemboja ditan ba LTAK

KUCHING: Saspek besai kes bedagang mensia ti ngujungka 47 iku rayat Malaysia ditanka ba Kemboja bulan Disember ti udah mujur ditangkap Polis Sarawak apin lama ke udah.

Saspek beumur 26 taun, ditan raban pansik penyalah komersial IPK Sarawak sepengudah datai ba Padang Bilun Entarabansa Kuching (LTAK) urung pukul 12.20 tengahari.

Sebedau tu iya nepan bilun ari Pontianak lalu datai ba Kuching kena pukul 11.45 pagi.

Ketuai Pansik Penyalah Komersial Sarawak, Supt Mustafa Kamal Gani Abdullah madah, saspek ditanka laban nipu lima orang dalam keretas pansik.

“Piak kami udah ngeriman lelaki nya lalu keretas pansik deka dibantai ngagai Sapit Pedawa Raya enggau lengkas ungkup perambu orang ti salah.

Semua sida ti kena tipu udah pulai ke Kuching lalu saspek digiga kenyau Februari tu tadi ngena adres kepenudi ba Kampung Salak ditu sepengudah piak polis mansik kes tu.

Semua 47 iku sida ti kena tipu nyengkaum 40 iku rayat Sarawak datai ba Kuching kena 17 Februari tu tadi sepengudah lebih 65 hari ditanka piak penerit adat Kemboja ketegal dituduh ngereja penyalah bejudi chara ‘online’

Sida ditan ba jil Beantey Meanchey, sepengudah ditan ba dua buah rumah di Siem Reap.

DITANGKAP…Saspek (tengah) bekaul kes nipu pengereja pengawa ngujungka rayat ari menua tu dijil di Kemboja udah ditan polis.

Suara Sarawak