Semua sekula di Sri Aman ditutup sehari tu

KUCHING: Opis Pelajar Pelilih (PPD) Sri Aman deka seruran berati enggau manah pekara bekaul enggau gaya hari besebun ti ngasuh pejalai sekula tejanggal ba pelilih nya.

Nitihka penerang ku Menteri Pelajar Dr Maszlee Malik, semua sekula pelilih menua nya udah ditutup berindik ari gaya hari besebun ngelui ari tikas ulih ngeruga pengerai.

“Enti gaya hari majak balat besebun lalu Tikas Pengamah Angin (IPU) ngelui ari tikas ke patut, PPD patut nitihka SOP nutup sekula.

“Opis Pelajar Nengeri Sarawak (JPNS) mega deka beratika pekara tu,” ku iya nerang.

Maszlee madah munyi nya ba aum pemberita pengudah pejalai ngabas Projek Sekula di Sekula Sekondari (SMK) Sungai Tapang ditu, tadi.

Dr Maszlee Malik