ARTIKEL

10 dara bajik berebutka gelar Kumang BDCF 2023

Facebook
Twitter
LinkedIn
WhatsApp
Telegram

SIBU: Sepuluh indu bajik Dayak deka berebut gelar Kumang Pengerami Main Asal Dayak Borneo (BDCF) nyerumba Malam Dayak ba Pengerami Main Asal Borneo (BCF) 2023 ti deka diatur ba Dataran Tun Tuanku Bujang ditu kena malam Hari Lima tu, 21 Julai.

Sebedau nya, 18 penyereta udah ditapis ba renggat pilih ngambi milih 10 penyereta pemadu manah ti deka berebut gelar nya.

Chairman Komiti Pengatur Kumang BDCF 2023, Angelyn Uchi Maseng lebuh dirandau kemari madah pekit nya diatur Sarakup Indu Dayak Sarawak (SIDS) Sibu enggau kerejasama Kaunsil Mengeri Sibu (MPS) ti endang siti ari program besai ba pengerami BCF ninting taun.

“Ba renggat keterubah, bisi 18 indu bajik rejister diri nyereta pekit tu tang kami udah milih semina 10 finalis ngambi berebut gelar Kumang BDCF 2023.

“Renggat pilih keterubah udah diatur kami ba Librari Perintah MPS kena Hari Minggu nyin tadi,” terang iya.

Angelyn ke mega Chairman SIDS Sibu madah komiti pekit nyedia perais ti manah agi ungkup sekali tu enti dibanding enggau perais ti disedia sebedau tu.

Baca lain  Dua hari, tiga genturung karam di darat

“Sekali tu, raban pengatur udah nyedia perais mata duit ti tinggi agi lalu 10 finalis bisi peluang menang perais mata duit ungkup tiga penuduk pemadu atas ti lebih manah agi,” ku iya.

Ku iya, pemenggi gelar Kumang deka mai pulai mata duit RM5,000 sereta jumpang, selempang, trofi, hamper enggau bungai.

Gelar Lulong (lumur dua) deka nerima RM3,000 sereta selempang, trofi enggau hamper lalu lumur tiga iya nya gelar Selinggar Matahari deka mai pulai RM2,000 sereta selempang, trofi enggau hamper,” terang iya.

Kelimpah ari nya, ku iya, perais sagu ati mata duit RM600 deka diberi ngagai penyereta lumur empat nyentuk lumur 10.

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh