ARTIKEL

10 rumah panjai deka bulih pemaik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Peranak 10 rumah panjai ba Kapit enda lama agi deka bulih pemaik infrastruktur jalai alun laban pengawa ngaga Jalai Nanga Menuan/Nanga Setepun Renggat Keterubah deka tembu ba ujung bulan Julai tu.

Sapit Menteri Pemansang Infrastruktur enggau Palan Penyangkai Kapal (MIPD), Aidel Lariwoo madah, projek nya mega deka meri pemaik ngagai dua buah sekula primari ba sitak nya.

“Pengawa ngaga projek tu manggai 93 peratus tembu lalu kami ngarap projek tu ulih tembu ba timpuh ti udah ditetap,” ku iya.

Aidel mansutka jaku nya rambau dirandau pemberita pengudah ngabas taba projek nya ba Kapit ditu, Hari Satu tu tadi.

Nya alai, iya ngarap renggat kedua projek nya ulih berengkah dipejalai nengah agih belanja ti disedia.

Iya bela ngabas perambu taba projek palan penyangkai feri ba Nanga Menuan ti agi ba renggat perambu.

“Projek palan penyangkai feri tu sekeda ari projek ti endang dianti peranak dia kelebih agi enti Jalai Nanga Menuan/Nanga Setepun tembu ila.

“Taja pia, projek palan penyangkai feri tu semina inisiatif timpuh pandak aja laban perintah benung merambu deka ngaga jematan Nanga Menuan.

“Tu sebengkah inisiatif timpuh panjai dikena meri pemaik meruan ngagai peranak ba sitak tu,” ku iya.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP