10 tangki ai mutar penanggul peranak Kpg Sinar Baru

KUCHING: Sepuluh tangki ai udah dianjung ngagai peranak Kampung Sinar Baru, pagi tadi.

Chairman Majlis Perbandaran (MPP) Padawan Lo Khere Chiang madahka tangki ai diberi ngagai genturung pendiau ba menua bebukit.

“Bekal ai endang bisi disambung tang suah suntuk ai laban ai enda deras niki.

“Serak tu kitai nganjung sepuluh tangki dulu sereta ngarapka penanggul sida deka teputar ke alai tangki nya ulih nepu urung 1,500 liter tauka 400 gilin ai,” terang iya.

Khere Chiang bejaku munyi nya lebuh dirandau Suara Sarawak ba pengawa nyuaka tangki ai ngagai sepuluh penerima di Kampung Sinar Baru ditu tadi.

MUTAR PENANGGUL RAYAT… Lo Khere Chiang (empat kanan) nyuaka risit tangki ai ngagai Angelina Jong (lima kanan) ti nyadi pengeri penerima tangki nya ba Kampung Sinar Baru ditu, pagi tadi.