ARTIKEL

1,100 pedagang PKS bulih pemaik ari GoDigital Sarawak

Facebook
Twitter
LinkedIn
WhatsApp
Telegram

BELADIN: Sepenyampau 1,100 pedagang Pengawa Dagang Mit enggau Jelan Pemesai (PKS) ba nengeri tu nerima pemaik ari inisiatif GoDigital Sarawak kandang dua taun kepenudi.

Sapit Premier Datuk Amar Awang Tengah Ali Hasan madah, GoDigital Sarawak nya inisiatif Opis Menteri Dagang Antarabansa, Industri enggau Beranakka Puku (MINTRED).

Ku iya, inisiatif nya dipejalaika Kaunsil Ekonomi Digital Sarawak (SDEC) ti melanja kereban teknologi ngagai PKS Sarawak ngambi ngaga digital ngagai dagang sida.

“Dalam timpuh 2021 nyentuk 2023, sepenyampau 1,100 PKS udah nerima bantu ke beungkus penyampau RM11 juta,” ku iya ti mega Menteri MINTRED.

Awang Tengah bejaku munyi nya nengah teks jaku dibacha Kaban Kunsil Nengeri (ADUN) Beting Maro Razaili Gapor ti ngarika iya bejadika Jum Regista Bisnes Pelilih Pusa serimbai Karnival Beting Maro 2023, tadi.

Iya madah, nengah program nya, pedagang PKS diberi bantu ngena geran kereban dikena meransang sida ngalih ngagai dagang ngena tali arus tauka e-dagang.

Kelimpah ari nya ku iya, MINTRED mega deka terus bejalaika bemacham program bantu ungkup raban PKS.

“Nengah Skim Kredit Mikro Sarawak (SKMS) ti dipejalai sebedau tu dalam timpuh belabuh ari 2021 nyentuk suku ketiga taun tu, bisi RM57.59 juta udah diberi ngagai 1,492 orang dagang.

“SKMS nya skim jali ti mantu orang dagang B40, operator mikro enggau jelan pemesai neruska dagang ba Sarawak.

“Seraya Skim Jali Industri Mit enggau Jelan Pemesai (SPIKS), mega jali diberi ngagai PKS bumiputera nyadi ke puku kereja, meli mesin enggau kereban tauka ngubah gaya premis dagang.

“Naka 2021 nyentuk suku keempat taun tu, sepenyampau RM10.42 juta dikemendar ungkup 89 PKS bumiputera,” terang iya.

Ngenang silik agi, Awang Tengah madahka ba baruh Program Graduet Nyadi Orang Dagang (GERAK) enggau Orang Dagang Teknikal enggau Vokasional (USTEV), dia RM10.17 juta diagih ngagai 1,441 PKS kenyau ari 2021 nyentuk suku keempat taun tu.

Jum Regista Bisnes Pelilih Pusa diatur MINTRED enggau kerejasama Opis Residen Bagi Menua Betong, Opis Pelilih Pusa enggau SEDC empu.

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

Pelabuhan Bintulu peneraju pelabuhan Sarawak

KUCHING: Pelabuhan Bintulu adalah peneraju pelabuhan Sarawak, bukan sahaja dari segi eksport gas asli cecair (LNG) tetapi juga terminal eksport LNG terbesar di Asia Timur,