ARTIKEL

TEMBU BAUM… Rahman (tengah) begulai enggau komiti bukai pengudah tembu baum.

12 menua sedia bepadan nyerumba Pekit Tinju Dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sepenyampau 12 menua ngenukuka diri masuk Pekit Tinju Dunya (WBC) ti keterubah iya diatur di Malaysia ba Stadium Tertutup Petra Jaya kena 11 Mei tu.

Ku Presiden Serakup Tinju Amatur Sarawak (SABA), Datuk Rahman Lariwoo, menua ti ngenukuka diri masuk pekit tu iya nya Jipun, Kazakhstan, Unnited Kingdom, Australia, Myanmar, India, Thailand, Perancis, Filipina, Singapore, Brazil enggau tuai rumah Malaysia.

“Tu siti sejarah baru diturai Malaysia enggau Sarawak laban diberi peluang nyadi tuai rumah pekit tinju antarabansa ungkup petinju profesional ari serata dunya.

“Naka kemari, 12 negara nyengkaum Malaysia udah ngenukuka diri masuk Pekit Tinju Dunya 2024 ke deka diatur ba Kuching kena 11 Mei tu.

“Kitai chukup temegah laban Malaysia deka diarika anak Sarawak empu, Daeloniel McDelon Bong bejuluk Kilat Boy ti deka bepadan ba kategori Super Bantanweight 55.3kg,” ku iya.

Rahman mansutka jaku nya ba aum pemberita pengudah aum nyikap diri ungkup pekit nya di Kuching, Hari Dua tu tadi.

Ngenang Pekit Tebuka Sarawak 2024, Rahman madah, pekit nya deka diatur belabuh ari 6 ngagai 10 Mei mega di Stadium Tertutup Petra Jaya.

Ku iya, semua pemekit endang kering laban ukai semina datai ari Semenanjung Malaysia, Sabah enggau Sarawak, tang petinju ari Kalimantan Barat, Sumatera, Singapore enggau Sri Lanka mega ngenukuka diri masuk pekit nya.

Kontinjen Sarawak, ku iya, deka nganjung petinju biak ari tim elit bebintis kelai nyikap diri napi Lumba Malaysia (SUKMA) 2024.

“Naka tu, kami udah nerima penyereta ti chukup ngemantupka diri ungkup Pekit Tebuka Sarawak lalu aku pechaya, penyampau pemekit engka deka nambah baru pengudah Raya ila.

“Ba raban SABA ti nyadi raban pengatur, kami sedia lalu keran deka ke atur kededua pekit nya kelebih agi WBC nempa pemujur ke deka ngemegah nama Sarawak enggau Malaysia.

“Nya kebuah, kitai deka bekerejasama enggau Opis Menteri Nembiak, Lumba enggau Pemansang Orang Dagang (MYSED) sereta Opis Menteri Dagang Temuai, Industri Kreatif enggau Seni Pemerindang (MTCP) ungkup ngatur pekit tu ila,” terang iya baru.

Rahman mega meri terima kasih nuju MYSED enggau MTCP ti betuai ke Datuk Seri Abdul Karim Rahman Hamzah laban udah meri pengandal enggau sukung tegut ngagai SABA ngatur pekit tinju betikas dunya nya ngagai Sarawak.

Kelimpah ari nya, iya mega meri tabi puji ngagai Kaunsil Lumba Sarawak (SSC), Kaunsil Lumba Nengeri Sarawak (MSNS) enggau bemacham ejensi bukai sereta raban peribit ti deka begulai mantu ngatur pengawa nya ila.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU