ARTIKEL

ENDA SABAR… Bala dara bajik ti deka masuk pekit Dayung Gawea Tematu 2024.

12 pemekit ngerebut champion Dayung Gawea Tematu 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 12 iku dara bajik deka bepekit ngerebut gelar Dayung Gawea Tematu 2024 nyerumba Karnival Gawai Tematu 2024 ti deka diatur kena 28 enggau 29 June tu.

Chairman Pengatur Karnival, John Pata James Jumin madah, semua dara bajik ti dipilih bepekit tu indu ke beumur 25 taun ke baruh.

“Kami bisi pemekit ari Kampung Pedaun Bawah Krokong, Kampung Tematu, Kampung Sudat enggau Kampung Riih Daso.

“Bisi mega ari Kampung Koran Mawang, Kampung Raso, Kampung Suba Bandar, Kampung Taee, Kampung Bogag enggau Kampung Sorak Tebas.

“Semua sida tu datai ari pelilih menua Serian, Bau, Kuching enggau Lundu,” ku iya ba sebengkah penerang media, kemari.

Ku John, champion Dayung Gawea Tematu 2024 deka mai pulai perais mata duit RM2,000, ditangkan lumur dua RM1,800 enggau lumur tiga RM1,500.

Bala champion nya mega deka mai pulai perais bukai baka jumpang, bungai, selampai, tropi, hamper enggau setipikit.

“Kami mega bisi nyendiaka tepa iya nya mata duit RM300, hamper enggau setipikit ngagai bala pemekit.

“Kelimpah ari nya, bala pemekit deka dipilih ngempu gelar Miss Talent, Miss Tourism, Miss Popularity, Miss Photogenic, Miss Best Costume, Miss Best Contemporary Dress enggau Miss Traditional.

“Sida ti ngempu pejuluk nya deka mai pulai perais mata duit RM400, tropi enggau selampai,” ku iya.

Tandu John, pengerami nya mega bisi ngatur pekit Sindok Gawea Tematu 2024 ungkup indai orang enggau Onak Dayung Gawea Tematu 2024 ungkup nembiak indu.

“Aku nesau semua sampal datai ngerami karnival ti deka diatur ba Balai Mensia Mayuh Kampung Tematu kena 28 nyentuk 29 June tu.

“Ngena rambai jaku ‘Jak Ndi Otin, Samah To Kayak Adat Bidoyoh’ ti mai reti ‘Kitai Meseti Begulai Ngetanka Adat Bidayuh Nengah Siti Ati’, aku ngarapka pengerami tu bejalai enggau mujur,” ku iya.

BERITA LAIN

BERITA TERBARU