ARTIKEL

AUM PEMBERITA… Rahman (tengah) enggau bala bukai bejaku ngagai pengari media.

12 petinju dunya ngerebut tali sementing WBC

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 12 petinju nyulut ngarika bemacham menua deka bepadan ngerebut gelar champion enggau tali sementing Pekit Tinju Dunya (WBC) 2024 ti keterubah diatur ba Malaysia di Stadium Perpaduan, Petra Jaya 11 Mei tu.

Malaysia deka diarika petinju profesional asal Sarawak, Daeloniel McDelon Bong bejuluk Kilat Boy ti deka bepadan dalam kategori Super Bantamweight (55.3kg).

Presiden Gerempung Tinju Amatur Sarawak (SABA), Datuk Rahman Lariwoo madah, pekit dunya nya diatur serimbai Pekit Tinju Terbuka Sarawak Edisyen III 2024 ti diatur ba nalan sama (Stadium Perpaduan, Petra Jaya) belabuh ari 6 ngagai 10 Mei tu.

“Tu sejarah baru ngagai kitai (Malaysia) kelebih agi Sarawak laban diberi peluang nyadi tuai rumah pekit tinju antarabansa ti mantaika petinju profesional ari serata dunya.

“Bisi 12 petinju ngarika menua ti bebida nyengkaum ari Malaysia,” ku Rahman.

Ku iya, menua ti ngenukuka penyereta petinju sida iya nya Jipun, Kazakhstan, United Kingdom, Australia, Myanmar, India, Thailand, Perancis, Filipina, Singapore, Brazil enggau tuai rumah, Malaysia.

Baca lain  Semina pelajar ulih nyamin pengidup

Ngenang Pekit Tebuka Sarawak Edisyen III 2024 itu, Rahman madah, pekit pengelama lima hari nya disadang matak perati laban ukai semina nerima penyereta ari Semenanjung, Sabah enggau Sarawak tang mega petinju ari Kalimantan Barat, Sumatera, Singapore enggau Sri Lanka ti udah ngenukuka diri sedia bepadan

Kem tinju Sarawak, ku iya, deka nganjung petinju biak ari palan elit enggau pemansang selampur Sarawak sereta petinju ari tim Sukma bebintis.

“Disadang 150 petinju deka bebintis ila. Kami ari SABA ke nyadi raban pengatur deka nentuka atur kededua pekit nya kelebih agi WBC nurai sejarah ke deka ngemegah nama Sarawak enggau Malaysia,” terang iya.

Dulu ari nya, Rahman meri terima kasih ngagai Opis Menteri Nembiak, Lumba enggau Pemansang Orang Dagang Sarawak (MYSED) enggau Opis Menteri Dagang Temuai, Industri Kreatif enggau Seni Pemerindang Sarawak (MTCP) di baruh embing Datuk Sri Abdul Karim Rahman Hamzah laban meri pengandal enggau sukung tegut ngagai SABA mai pekit tinju betikas dunya nya ngagai Sarawak.

Baca lain  Tujuh lampu trafik Kota Samarahan deka beoperasyen berenggat

Rahman mega meri besai terima kasih ngagai Kaunsil Lumba Sarawak (SSC), Kaunsil Lumba Nengeri Sarawak (NSNS) enggau bemacham ejensi bukai sereta raban peribit ke deka ngemujur pekit nya ila.

NOTIS TENDER

BERITA LAIN

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

Komiti khas ditumbuh munas penyeranta

KUCHING: Kaban Komiti Khas deka ditumbuh ngambi mantu munas penyeranta ba selampur bagi menua di Sarawak. Menteri Pemansang Indu, Nembiak Mit enggau Pengintu Pengelantang Komuniti,

BERITA TERBARU