ARTIKEL

13 dara berebut gelar Kumang Gawai Dayak Sibu 2019

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Sepenyampau 13 iku pemekit udah ngenukuka diri ngerebut gelar Kumang Gawai Dayak Sibu 2019 kena 19 Mei tu.

Pekit tu diatur beserimbai enggau Pengawa Makai Lemai Mantar Gawai Dayak renggat Bagi Menua Sibu.

Sapit Kepala Menteri Datuk Amar Douglas Uggah Embas disadang datai nyadi Tuai Pengabang tauka temuai dipebasa maya atur pengerami malam nya.

Ku Chairperson pengatur pengawa Senorita Salleh, pekit nerima penyereta ari mensia mayuh.

“Hari bulan kepenudi nganjung peminta bepekit ditetap kena 3 Mei, Hari Lima tu, urung pukul 5 lemai.

NGERAPITKA KAUL… Senorita (dua kanan) sereta kaban komiti begambar kenang begulai enggau Uchi (tengah) rambau aum komiti pengatur pengawa Kumang Gawai Dayak Sibu.

“Kami pechaya bala pemekit deka nambah datai ba hari kepenudi nganjung nama,” ku iya lebuh dirandau ditu, kemari.

Kenu ku Senorita, piak sida deka ngatur renggat pemilih sebedau pemekit bepekit ba renggat kepenudi.


“Renggat pemilih deka diatur di Taman Tasik Permai kena 4 Mei (Hari Enam tu) pukul 12 tengahari nyentuk 5 lemai.

“Ba renggat bepilih, bala pemekit deka diuji ari sukut penau belagu, ngajat enggau ke bukai,” ku iya nerang.

Nya alai, iya ngelalau sida ti udah ngambi pom bepekit nganjung baru pom ti udah diisi disempulang bayar RM10 ngambi pengawa bala komiti pengawa deka muntang sereta lanchar.

Kumang Gawai Dayak Sibu deka pulai ngemai perais mata duit RM2,000 disempulang trofi, hamper, selampai enggau jumpang lalu lumur dua (Lulong) deka nerima RM1,500 enggau trofi, hamper enggau selampai lalu lumur tiga (Selinggar Matahari) nerima RM1,000 enggau trofi, hamper enggau selampai.

Seraya lumur empat enggau lima deka nerima perais mata duit RM300 enggau RM250. Lima pemenang sagu ati, lumur enam ngagai 10 bela nerima RM150 siku.

Pengerami tu diatur Sarakup Indu Dayak Sarawak (SIDS) Sibu begulai enggau Gerempung Bansa Dayak Sarawak (SDNU) Sibu, SDNU Rejang, SDNU Sibujaya sereta Gerempung Bansa Orang Ulu (OUNA) Sibu.

Pengerami tu deka diatur di Ringkat 6, Hotel Kingwood ditu berengkah ari pukul 6.30 lemai.

Chairperson SIDS Sibu Angelyn Uchi Maseng dipadu nyadi Tuai Gawai tauka chairperson pengatur pengerami taun tu.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup