ARTIKEL

13 Tuai Rumah Dun Ngemah udah dichiri

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KANOWIT: Sepenyampau 13 iku Tuai Rumah ba Dun Ngemah udah dichiri Perintah Sarawak. Adun Ngemah, Anyi Jana madah, pengawa milih enggau nyiri Tuai Komuniti enggau Tuai Raban Bansa (KMKK) nya betuaika Residen Sibu.

Nya kebuah, iya ngarapka KMKK ti dichiri ulih meretika lalu bejalaika tanggungpengawa sida enggau manah.

Anyi mega madahka diri keran deka mantu ngagihka belanja dikena nyeleti parit Rumah Lakun enggau meli barang dapur ungkup Gerempung Indu Komiti Pemansang enggau Pengelikun Genturung Pendiau (JKKK) Rumah Lakun.

“Projek ngaga serungap atap Rumah Lakun mega udah dipasuk ba projek Program Transfomasyen Menua Pesisir (RTP) 2023 Dun Ngemah,” ku iya.

Anyi mansutka jaku nya lebuh bejadika Pengerami Tuai Begulai enggau Rayat ba Rumah Lakun, Skim Palan Pengentap Baru Nanga Ngungun, Kanowit, empai lama.

Bisi 21 iku Tuai Rumah ari sitak Skim Palan Pengentap Baru Nanga Ngungun enggau endur besemak udah ngulu program ti diatur JKKK Rumah Lakun nya.

Ba lansa bukai, Anyi madahka geran Projek Mit Pemansang Menua Pesisir (MRP) udah diagih ngagai Rumah Lakin 15 pintu penyampau RM7,500.

“Ungkup JKKK bukai, sida ulih nganjung peminta projek RTP nya ngagai Palan Servis Adun Ngemah ba Pasar Kanowit.

“Pengawa ngemendarka projek RTP nya nitihka peminta enggau gaya belanja.

“Projek RTP deka dipejalai pengudah bulih pemendar ari Unit Perambu Ekonomi (EPU) Sarawak,” ku Anyi nyemetak.

Sama datai Penghulu Ron Ugai enggau Tuai Indu Parti Rakyat Sarawak (PRS) Ngemah Kaunsilor Mutang Karani.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU