ARTIKEL

15 kes pemarai ketegal rabies bisi dirikod

Facebook
Twitter
LinkedIn
WhatsApp
Telegram

KUCHING: Sarawak ngerikod 15 kes pemarai ketegal igi penyakit ukui gila tauka rabies ari 17 kes ti bisi dirikod naka diatu.

Menteri Industri Pemakai, Komoditi enggau Pemansang Wilayah Sarawak, Datuk Seri Dr Stephen Rundi Utom madah, naka diatu bisi 72 kes rabies bekaul mensia bepelasar ke statistik Opis Pengerai Nengeri Sarawak (JPNS).

Iya madah, ari penyampau penuh nya, bisi 65 kes pemarai ketegal rabies dirikod berengkah ari bulan Julai 2017.

“Bepelasar ke rikod, kes rabies bekaul mensia enggau jelu ba Sarawak bisi nambah.

“Nya alai, aku ngelalau mensia mayuh seruran bejimat sereta lengkas nganjung diri berubat ba klinik enti bisi diketup jelu.

“Pia mega, bala penginang jelu dilalau seruran bejalaika pangku pengawa diri nganjung jelu diinang sida ngambi diberi vaksin nagang rabies.

“Pengawa meri vaksin rabies ngagai ukui tu meseti dipejalai ba baruh Seksyen 40, VPHO 1999.

“Sebarang orang tauka penginang ukui ti enda ngasika atur tu deka diukum mata duit nyentuk RM1,000,” ku iya ba sebengkah penerang sehari tu.

Nambahka nya, sebarang penginang ukui ti neju ukui sida bekedayau ba luar rumah deka diukum mata duit enda lebih ari RM2,500 ba baruh Seksyen 37, VPHO 1999.

Ngelansa silik, ku iya, bala penginang ukui patut bisi tanggungpengawa ngagai ukui sida sereta ngurung ukui sida ba endur ti bepagar ngambi enda bekedayau ngagai endur bukai.

Ku iya, raban bekuasa ulih ngerampas ukui ti enda dikurung nitih ke undang-undang mit Raban Bekuasa Lokal (PBT) (Perlesenan dan Kawalan Anjing 2018).

Bepelasar ke rikod ba taun 2023, bisi 91 ukui, tujuh mayau enggau dua jelu bukai ari 572 sampel ti diperesa dikenuku positif rabies.

LAIN-LAIN BERITA

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Berita yang menyedihkan – Datuk Sim Kiang Chiok

KUCHING : Pengerusi Persatuan Pemaju Perumahan dan Hartanah Sarawak (SHEDA) Cawangan Kuching Datuk Sim Kiang Chiok, menyifatkan pemergian bekas Yang di-Pertua Negeri Tun Abdul Taib

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur