15 rumah panjai di Batu Danau nerima bantu atap

LIMBANG: Bisi 15 buah rumah panjai deka nerima bantu atap rumah ungkup renggat keterubah.
Adun Batu Danau, Paulus Palu Gumbang madahka bantu diberi nitihka peminta enggau kereban diguna.

Ku Paulus, bantu atap rumah ti diberi nya asil agih belanja ti diberi Perintah Besai.

“Ba renggat tu, bisi 15 buah rumah panjai nerima bantu tu nitihka peminta diguna sida.

“Peranak ti udah nerima projek nyeleti nengah agih belanja Perintah Sarawak nadai nerima bantu nya,” ku iya.

Paulus mansutka jaku nya lebuh nyuaka atap rumah ba Rumah Hap Budet Mengari, apin lama ke udah.

Ba pengawa nya, 24 buah pintu ari Rumah Hap Budet Mengari udah nerima atap ti disuaka Paulus empu.

Sama datai Sapit Chairman Sadia Pampang Limbang Jangan Bakar enggau Chairman Komiti Pemansang enggau Pengelikun Genturung Pendiau (JKKK) Kampung Mengari Hap Budet

Suara Sarawak