ARTIKEL

150 graduet ILP Miri nerima bantu pemakai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Sepenyampau 150 bakul pemakai udah disadung ngagai bala graduet ti datai ari ruang bilik ngembuan penatai pemisi baruh (B40) ba Program Nyuaka Bantu Tibang Pemakai Graduet, ditu kemari.

Tuai Opis Menteri Dagang Dalam Menua enggau Ungkus Pengidup (KPDN) Miri, Joe Azmil Jamil madah, program nya sebengkah inisiatif KPDN Miri dikena mantu raban graduet B40.

“Program ti diatur ba Institut Latih Industri (ILP) Miri tu dikena mantu bala graduet ti datai ari rumah bilik ti ngembuan penatai pemisi baruh ngulihka barang pemakai ti diguna ninting hari,” ku iya.

Bantu bakul pemakai nya dipelanja Fancy Pacific Sdn Bhd, Hong Huat General Supplier and Contractor, Lapok, Pioneer Trading Sdn Bhd sereta Nam Leong Supermarket.

Pia mega, Sri Sebanyak Edile Oils Sdn Bhd, MTC Transport Company sereta Gerempung Pedagang Stesyen Petronas Miri bela meri bantu nya.

“Bakih strategik tu besetuju bekerejasama ba program ti diatur opis menteri tu dikena mantu raban ti kurang benasip,” ku iya.

Sama datai, Direktor Institut Latih Industri Miri, Mustal Makmud sereta Penulung Direktor Unit Pengatur Pekara Nembiak (BPPL), Mohamad Sayono Sunarti.


BERITA LAIN

BERITA TERBARU