1,500 nembiak di Saratok nerima bantu kereban sekula

SARATOK: Urung 1,500 iku nembiak ari 27 buah sekula di sitak Parlimen Saratok datai ari ruang bilik seranta deka nerima bantu kereban besekula.

Sapit Menteri Pengeluar Kuasa enggau Pengeraja Asal, Datuk Ali Biju madahka bantu nya diberi nengah program Ceria Ke Sekolah dikemujur begulai enggau bakih kerejasama Tenaga Nasional Berhad (TNB).

Ku iya, tu program keterubah ungkup sitak parlimen nya enggau tuju nyaup apai indai bebelika kereban dikena anak sida nurun sekula.

“Nengah pemeri tu, kami ba Palan Servis Komuniti Parlimen Saratok enggau raban TNB deka besaup mantu bala nembiak ke udah dipilih ti besekula taun 2021.

“Kitai deka meri uniform sekula, kasut, stukin enggau kantung sekula ngagai bala nembiak lalu pengawa ngagihka pemeri tu dipejalai berenggat.

“Pengawa tu ila dipejalai belalauka Atur Standard Pengawa (SOP) ti terit baka udah ditetapka Kaunsil Pengelikun Menua (MKN).

“Batang tuju kitai endang deka ngelempungka tating belanja apai indai nyendiaka anak sida nurun besekula, abis nadai pemeri kitai tu meri pengaga ngagai sida,” ku iya ba sebengkah penerang berita tadi.

Berita penuh Ruai 2 pagila

Suara Sarawak