ARTIKEL

Dr. Hazlan Abang Hipni

160 staf JAS belidar gawa ke NREB berengkah Ogos tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 160 iku staf ari Opis Rampa Menua (JAS) Perintah Besai deka belidar gawa ke Kaunsil Pengereja Asal enggau Rampa Menua (NREB) Sarawak bulan Ogos tu.

Sapit Menteri Kuasa Enggau Pemeruan Rampa Menua, Datuk Dr. Hazlan Abang Hipni madahka pekara entara pekara ti ditagih menua tu dalam Sempekat Malaysia 1963 (MA63).

“Pekara nya bekau ari pemujur randau Perintah Besai enggau Perintah Sarawak sebedau tu.

“Lebuh kami berandau enggau Perintah Besai, baru kitai ulih ngambi pulai kuasa nya, nyentuk kitai mujur ngambi JAS di baruh perintah besai ngagai perintah nengeri,” ku iya.

Hazland bejaku munyi nya rambau Program SKE 2.0 ti diatur PBB Pampang Demak Laut ba Wisma Sebati ditu tadi.

Ku iya, raban orang indu meseti nemu pasal hak minyak enggau gas, pengawa nyimpan karbon enggau undang-undang bekaul rampa menua laban semua kuasa tu dibaruh perintah nengeri.

“Ari randau nya, enti nadai penanggul dalam bulan Ogos ila, bisi 160 iku staf ari JAS deka dipindah ngagai NREB, udah tu nadai agi JAS ditu (ba Sarawak).

“Nya sebagai ari pekara ti ditegi kitai bepelasarka hak dalam MA63,” ku iya.

Sebedau tu, Sapit Menteri Pemansang Mengeri Enggau Pengeraja Asal Datuk Len Talif Salleh madahka tagih pindah kuasa autonomi rampa menua ari Perintah Besai ngagai Sarawak deka bejalai kena 1 Januari 2025.

Ku iya, pengawa nya ngambika Sarawak enggau Sabah ulih nyemelaka pemansang ekonomi enggau nyaga ekologi ngatur penatai rampa menua ti meruan.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU