180 iku peranak Rh Jeff semina tinggal gari ba punggung

MIRI: Sepenyampau 19 buah ruang bilik ari Rumah Jeff Anchum di Bukit Limau Tinjar semina tinggal gari ba punggung pengudah rumah panjai sida angus lengis, malam Hari Satu tu tadi.

Tuai Opis Bomba enggau Penyah Penusah Malaysia (JBPM) Zon 6 Miri, Law Poh Kiong madahka sida nerima kangau ngenyit urung pukul 8.16 malam.

Raban Balai Bomba enggau Penyah Penusah (BBP) Lopeng betuaika PBK II, Wan Sakawi begulai enggau semilan iku kaban ngagai rumah panjai penyauh 117 kilometer.

“Semua sida mujur nyelamatka diri pansut ari rumah ti benung mau lalu nganti ba tisi jalai,” terang iya, ditu tadi.

Poh Kiong madahka Tuai Rumah Jeff sedarka penusah rumah panjai angus nya urung pukul 7.30 malam.

Penusah angus nya ngujungka 19 pintu bilik angus lengis seraya lima pintu agi selamat seraya nitihka profil, rumah panjai nya diuan 180 iku peranak.

Suara Sarawak