NGENJEN DI SEMANDIN animasi bahasa Sarawak pertama di Malaysia

8 jam lepas

1MDB: Najib, Arul Kanda lepas

Suara Sarawak
RUAI
3 Mac 2023
11:55 am

KUALA LUMPUR: Kort Tinggi ditu tadi ngelepaska Datuk Seri Najib Tun Razak enggau ex-Tuai Pegawai Eksekutif 1Malaysia Development Berhad (1MDB) Arul Kanda Kandasamy ari tuduh ngubah ripot audit 1MDB.

Akim Mohamed Zaini Mazlan, ti diatu Akim Kort Apil madah, dawa puntan mantaika ‘prima facie case’ ngagai seduai nya ba dawa kepenudi kes nya.

Iya madahka Arul Kanda, ti dikangau nyadi saksi dawa udah meri penerang ti amat enggau terang lebuh bechara.

Najib, 70, ti benung diukun jil 12 taun laban salah guna wang SRC International Sdn Bhd, didawa ngena penuduk iya ngasuh ngubah ripot kepenudi audit 1MDB sebedau dibantai ngagai Komiti Kira-Kira Wang Menua (PAC) ngambi nyeliah sebarang atur dipejalai ngagai iya.

Arul Kanda, 45, didawa bepakat enggau Najib ngaga ubah dikena nyaga ex-menteri besai nya ari kena atur tatatertib, sivil tauka penyalah 1MDB.

Ulah nya didawa dikereja ba Kompleks Jabatan Opis Menteri Besai, Putrajaya entara 22 enggau 26 Februari 2016.

Baca lain Lebih 1,000 datai ngabang ba Pengerami Ngelalu Pengabang Renggat Sri Aman

Seduai didawa nitihka Seksyen 23 (1) dan 24 (1) Akta Suruhanjaya Pencegahan Rasuah Malaysia ti meri ukum abis lama jil 20 taun enggau ukum lima kali lipat penyampau suap tauka RM10,000 nitih ni tinggi agi, enti dituku salah. – BERNAMA