KUCHING: “Alta Moda Sarawak’ (AMS) bisi penau ngangkatka chap Sarawak ngagai tikas ke lebih tinggi “, ku Menteri Muda Nembiak enggau Lumba Dauk Snowdan Lawan.

Kenu ku iya, AMS ulih ngemuntangka agi pengawa nempa chap fesyen ungkup penengkebang fesyen enggau model ari menua tu diberi peluang mandangka penau sida ba renggat entarabansa.

“Aku ngarapka nengah pemujur Alta Moda Sarawak 2019 ulih meri peransang ngagai penengkebang fesyen, model, artis enggay mayuh piak ke ngambi bagi dalam industri fesyen di Sarawak ke enda pungkang ngembuan fesyen ke nyelai,” ku iya.
Iya madah munyi nya rambau bejadika Alta Moda Sarawak, ditu kemari.

Kenu ku iya, penengkebang fesyen enggau modal ari Sarawak ngembuan penau terus mansang ba tikas entarabansa.
Beserimbai enggau Kimpin Nemuai Ke Sarawak 2019, Alta Moda Sarawak mega dikearap ulih nyadi sebengkah pengawa dikena matak bala temuai datai ke Sarawak.

Tandu Snowdan, AMS diatur pengelama tiga hari berunggu ulih meransang bala temuai mayuh agi datai ke Sarawak.
Bela datai ke pengerami tu Chairman AMS Datin Esther Mujan Balan enggau bala bukai.