KUCHING: Program Beranakka Puku Pesta Batang Ai ti deka diatur 22 ngagai 24 Mac tu deka mandangka asil produk ari menua nya ngagai selampur menua.

Menteri Muda Industri enggau Beranakka Puku madah Pesta Batang Ai ti deka mai penyelai ari iya ke udah.

“Taun tu, Opis Industri enggau Beranakka Puku ari tulung Aiman Resort deka ngena chara tu mandangka pemansang ari pengawa beranakka puku lebih agi ngagai selampur bansa ba menua tu.”

“Ari program tu, orang ti beranakka puku lebih agi ba menua Batang Ai ulih ngelaku, nyual sereta mandangka asil jual sida ngagai orang ti meli enggau lebih tebuka.”

AUM MEDIA… Malcolm enggau Samat (duduk ari kiba) sereta bala sponsor ke sama deka ngulu Pesta Batang Ai 2019.

Malcolm madah munyai nya ba aum pemberita ke diatur ba sebengkah palan makai, ditu kemari.

“Kelimpah ari nya mega, orang ti beranakka puku ulih mandangka pemakai asal menua Batang Ai baka ikan ti suah nyadi kelai menua tu sereta nambahka penatai pemisi sida ke bisi ba pelilih menua nya.”

“Aku ngarapka ari program tu ulih ngemansangka agi pengawa dagang temuai enggau ekonomi ba menua tu,” ku iya nambah.

Sama bisi ngulu aum media tu Chairman Aiman Group, Samat Othman enggau bala bukai.