KUCHING: Nadai bebayar sereta nadai tatak penyampau ungkup orang ke ngempu ukui deka nuchuk ukui sida enggau vaksin anti rabies.

Kenu ku Pemesai Veterinar Dr Jackie Peter madah, ungkup Program Vaksin Anti Rabies ke dipejalai serak tu nengah Opis Servis Veterinar Sarawak (DVSS) diatur ba Dewan Persatuan Masyarakat Stampin Lorong 17A, Kampung Stutong Baru.

Nyadi bisi 650 bekal vaksin diberi ngagai orang ke menggi ukui nitihka penyampau ukui ke ditupi sida.

“Enti dibanding enggau palan Veterinar belisin ke bisi ba bukai sida natak penyampau tuchuk enggau bayar, tang ditu kitai nadai natak penyampau tuchuk,” ku iya seraya madah mayuh orang saru penemu bekaul pekara nya.

Serak tu kenu ku iya penyampa ukui ke dituchuk dipelaba lebih 300 ekor lalu muak ke pagi aja lebih 100 iku ukui udah dituchuk sereta dikungkung.

KUNGKUNG..Ukui ke udah dituchuk vaksin rabies dikungkung ngena tali khas.

DVSS bele nyendiaka lebih 750 kungkung ke ngundan lumur khas enggau lambang nyadi kelai ungkup ukui ke udah dituchuk vaksin anti-Rabies tu.

“Sebedau tu sekeda piak bisi nguna tali pvc tang nya diperati orang ke ngempu ukui ulih ngemulaka kitai ngena kungkung tu,” ku iya.

Berebak enggau nya, iya madah piak DVSS diatu neruska operasyen sida ba sitak ke bisi rabies di Bau enggau Lundu ninting Hari Enam enggau Hari Minggu.

Michelle 32 entara ke datai ngulu program nya keterubah iya madah, program tu chukup manah laban nadai bebayar.

Udah nya, Chin, 60 taun madah perintah nengeri udah bejalaika tanggungpengawa sida enggau manah dikena nentuka penyakit rabies enda majak ngerekai.

“Pengawa tu nadai bebayar lalu ukai semua orang ulih meli vaksin nengah projek besai baka tu.
Ungkup program tu, udah tu sida deka ngatur program ke sebaka ba Batu Kawa tang palan silik agi diperambu enggau deka dipadah udah tu ila.