MIRI: Dua iku saspek ke masung nembiak beumur 17 taun ba sebuah rumah panjai di Sungai Teniku, ditan polis lemai kemari.

Saspek ke beumur urung 40 taun enggau 50 taun nya ditangkap pukul 12 tengahari ari raban polis Opis Pemansik Penyalah (CID) Miri ba rumah panjai nya dikena mantu mansik kes.

Siku ari saspek gawa kediri empu, lalu siku agi nyadi pekebun. Seduai iya ditan bekaul enggau kes pasung ke diripot nyadi kena 5 March tu tadi ke nuntung siku janda biak.

Ensana, Ketuai Polis Pelilih Miri ACP Lim Meng Seah madah, piak polis agi mansik kes nya.

Pengawa nangkap nya beduduk ari ripot polis ke digaga indu ke dipasung apin lama ke udah ke nusui penusah ke nuntung iya kena 5 March ke udah ba rumah panjai di Sungai Teniku.

Indu nya madah, maya iya tinduk enda memukai saspek datai lalu tinduk ngerimbai ia sebedau ke masung.
Urung sejam udah nya, saspek kedua datai lalu ngereja ulah ke sebaka ngagai indu nya.

Kes dipansik nitihka Seksyen 376 Kanun Keseksaan laban masung.

SASPEK … Dua iku saspek kes masung dibai polis ngagai Balai Polis Central Miri ngambika dipansik, kemari.