KUCHING: Pengerami Gawai Tematu enggau Bitanding Dayung Gawae Tematu 2019 deka diatur kena ke 21 enggau 22 Jun taun tu, ba Balai Raya Mayuh Guna Kelab Rekreasi Penguna sereta Pengatur Pengawa Balai Raya Mayuh Guna Kampung Tematu.

Chairman Pengatur Pengerami Gawai Tematu 2019 enggau Dayung Gewea Tematu 2019 John Pata James Jumin, taun tu Edisi ke-enam lalu ngena rambai jaku ‘Kayak Adat Asal Kaum Bidoyoh’.

“Mayuh aktiviti deka diatur sepemanjai karnival tu dipejalai kelebih agi pekit Dayung Gawae Tematu 2019, Pekit Birogong( Muzik Tradisional) enggau Tanda Tradisional Bidayuh, pekit ‘Onak Dayung Gawae Tematu 2019’ eksibisyen ari ejensi perintah enggau ukai perintah, nyual asil betanam betupi, pemakai enggau ke bukai.

“Pekit Dayung Gawae Tematu 2019 udah ditesau lalu penyereta tebuka ngagai indu dara Bidayuh arri Kuching, Bau, Lundu, Padawan, Siburan, Penrissen enggau Serian sereta nitihka atur ke ditetap,”ku iya nerang ngagai media.

Pemenang Dayung Gawae Tematu 2019 bagi penuduk keterubah, kedua enggau ketiga deka nerima perais duit, jumpang, bungai, selampai,trofi, hamper sereta setipikit lalu perais pengaga ati deka mai duit, hamper enggau setipikit.

Pemenang gelar Miss Talent, Miss Tourism, Miss Popularity, Miss Photogenic, Miss Best Costume enggau Miss Traditional, deka mai duit, trofi sereta selampai.

Pom penyereta Dayung Gawae Tematu 2019 ulih diambi ari Mua Bup Karnival Gawai Tematu enggau Bitanding Dayung Gawae Tematu tauka ulih digiga nengah chairman, John Pata (019-8259395) tauka Leonora (016-8723236).
Semua ditesau ngulu Pengerami Gawai Tematu 2019 enggai Bitanding Dayung Gawae Tematu 2019 tu.

DAYUNG GAWAE…Gambar pemenang Dayung Gawae taun ke udah. -Gambar Facebook Karnival Gawae Tematu.