KUCHING: Nembiak PBB ngasuh Chairman Parti DAP Sarawak Chong Chieng Jen nyaut kediri tanya iya empu nama kebuah Sarawak mantah rang undang-undang senentang ubah Pekara 1(2) Konstitusyen Perintah Besai.

Ketuai Nembiak PBB Gerald Rentap Jabu madah, sida asa amat meda Sapit Menteri ari Sarawak nya nyukung ubah konstitusyen nya.

Ku iya, enti perintah PH amat deka mulaika hak-hak Sarawak, semua kaban Parlimen GPS mega deka nyukung ubah konstitusyen nya.

“Aku arap ukai semina Raban-raban Parlimen GPS deka nyukung, semua rayat Sarawak megi deka meri sukung” ku iya.

Berebak enggau nya, Ketuai Nembiak PDP Robert Ayu mega madah, ubah nya patut pulaika hak Sarawak enggau Sabah nyadi bakih kunsi dalam Perintah Besai Malaysia baruh Sempekat Malaysia.

“Taja pia, udah semua semaya PH, cukup ngasaka ati macha leka jaku ubah nya. Iya enda ngeletak Sabah enggau Sarawak ba status asal” ku iya.

Ba penemu kediri, iya deka konsep bekunsi ti sama dipadah enggau terang lalu dipasukka dalam ubah.

“Dikena ngulihka juluk nya, semua piak ke bekaul meseti berandau lalu setuju enggau ubah nya” ku iya.

Gerald Rentap Jabu