Bemacham pekit nyengkaum lumba rakit entara pekit ke balat ngerichahka pengerami Safari Rakit Baleh 2019.

Ari enam bagi kategori pekit rakit ke bisi diatur dia ba kategori Rakit Buluh Tebuka Lelaki beratika tim ari Lakin Belaga udah mujur bulih lumur satu, tim ari PRS Youth 64/61 udah bulih lumur dua enggau ba penuduk ke lumur tiga tim ari Team Anang Cabut MDT.

Bagi kategori Rakit Buluh Tetutup dia tim ari PBB Sarawak udah mujur bulih lumur satu lalu ba penuduk kedua tim ari Raban Tekura Nyemerai enggau lumur tiga tim Dewan Suarah Kapit (DESUKA).

Pia mega ba kategori Lelaki Ngati Kediri dia tim Bujang Banyau Pematak bulih lumur satu, Usun United bulih lumur dua enggau Kelab Sokanjaya Bahagian Kapit bulih lumur tiga.

Enda kurang mega, Biro Indu Rumah Ukau Bawai udah bulih lumur satu, JKK Rumah Ticho Tubau bulih lumur dua lalu ke lumur tiga tim ari Wanita Rumah Minggat ba kategori Wanita Buluh.

NYIKAP DIRI…Sida ke nyereta lumba bot laju nyedia diri sebedau lumba nitih ke kategori deka berengkah.

Tim ari Lakin Belaga udah bulih penuduk lumur satu ba kategori Perau Kayuh lalu ditangkan Dewan Suarah Kapit (DESUKA) enggau PDRM.

Bagi kategor Rakit Berias dia tim ari Oyan Warrior SK Nanga Oyan bulih penuduk ke lumur satu lalu ditangkan tim ari PIBG SK Nanga Yong enggau MIDT-LSS ba penuduk ke tiga.

Beserimbai enggau Safari Rakit Baleh 2019 tu tadi dia empat buah kategori lumba bot laju udh dipekit maya tu.

Lumba bot laju baruh enjin 50 Kuasa Kuda ( HP ) Race 1 udah disereta tim ari Ferrari 78, Orion Super 21, Majau Racing Team 21, Alta Kuda Laut 46, Jaguar Murum 66, Black Sparrow 87, Orion 13 enggau Tedong Ngelanchar 69.

Ba pekit bot laju kategori enjin 30 Kuasa Kuda (HP) udah disereta tim ari Laila Menchanai 36, John Racing 75, BGRT 55, Megamas 50, Gelima 50, Gelima Brotherhood 89, GPNB 69 enggau Seri Kelalong 10.

BEPEKIT…Sama belumba enggau pangan diri ngulihka penuduk keterubah ba kategori ke dipekit.

Bagi kategori injin 18 Kuasa Kuda (HP) disereta tim ari Gerinang Racing 30, BGRT 26, Arjeega 33, Lang Banda Legacy 07, John Racing, Jaguar Murum 66, Bujang Lelayang 1, HR Speed 36, Pasaka 916 11 enggau Antu Rayau 36.

Pia mega ba kategori Injin Pam Baruh 8 Kuasa Kuda (HP) udah disereta tim ari Majenis R.T E66, Shark R.T 07, Sago 35, Pro Fire 46, Viking 89, Labang 19, Orion Venom 99, Orion Crystal 13, Pesaka Baleh 49, LB Group 89 enggau Pesaka Baleh 59.

Bagi kategori injin 35 Kuasa Kuda (HP) 2 Piston Race 2 udah disereta tim ari GB Group Tan 18, HR Speed 36, Athena 19, Megamas 51, BB Racing 75, Tedong Ngerantar 49 enggau HR Speed 16.

Bagi kategori injin baruh 50 Kuasa Kuda (HP) Race 2 udah disereta Ferrari 78, Black Sparrow 87, Orion 13, Orion Super 21, Jaguar Murum 66, Alta Kuda Laut 46, Tedong Ngelanchar 69, Majau Racing Team 21, BGRT 26 enggau Song Team 19.

Ba lumba bot laju hari kedua mega dia tim Orion 13 bulih lumur satu, kedua tim ari Ferrari 78 enggau ketiga tim ari Black Sparrow 87 ba kategori injin baruh 50 Kuasa Kuda (HP) Race 2.

NYUKUNG…Bala pemesai sama enggau nyukung pengerami Safari Rakit Baleh 2019 ke diatur ninting taun.

Revival 25, GPNB 69 enggau Megamas 50 udah mujur bulih lumur ba kategori injin 50 Kuasa Kuda (HP) ba renggat ke penudi.

Kategori injin 35 Kuasa Kuda (HP) 2 Piston udah diulih tim ari GB Group Tan 18 ditangkan Athena 19 enggau HR Speed 36.

Tim ari HR Speed 36 udah mujur bulih lumur lalu GB 31 udah bulih lumur dua sereta Alta Kuda Laut 46 udah bulih lumur tiga ba kategori injin 18 Kuasa Kuda (HP) renggat penudi.

Trofi kategori Injin Pam 8.5 Kuasa Kuda (HP) udah dibai LB Group 89, Orion Venom 99 enggau Pro Fire 46.

KENANG TAUN TU…Adun Pelagus, Wilson Nyabong Ijang enggau pemesai ke bukai sama ngambi gambar begulai enggau sida ke menang ba pekit bot laju nitihka kategori.

Ukai semina lumba enggau pekit aja bisi diatur, palan endur bejual ke pemakai, utai diirup, enggau utai bukai sama bela bisi dijual ba tisi palan bemain nembiak enggau belakang bank Public Bank.

Tu mega siti ari chara sida ke bisi enggau ngambi bagian ba Safari Rakit Baleh 2019 nambahka pemisi ruang bilik sida iya.

Maya pengerami tu tadi sama bisi datai Sapit Kepala Menteri Sarawak, Tan Sri Datuk Amar Dr James Jemut Masing , Menteri Pemansang Menua Pesisir enggau Luar Bandar, Datuk Alexander Nanta Linggi, Kaban Parlimen Hulu Rajang, Datuk Wilson Ugak Kumbong, Kaban Adun Bukit Goram, Jefferson Jamit Unyat, Kaban Adun Pelagus, Wilson Nyabong Ijang, Menteri Muda ba Opis Kepala Menteri, Datuk John Sikie Tayai, Kaban Adun Murum, Kennedy Chuk Pai Ugon, Walikota Kapit, Philimon Nuing, Residen Bagian Kapit, Joseph Belayong, Pemesai Opis Pelilih Kapit, Elvis Didit, Pemesai Opis Bukit Mabong, Douglas Pungga sereta temuai ke bukai.