KUCHING: Sarawak enggau Sabah deka terus nyadi 13 nengeri di Malaysia enti Gabungan Parti Sarawak (GOS) enggau Kaban Parlimen penyakal ke bukai enda nyukung Rang Undang-Undang (RUU) Konstitusyen (Ubah) 2019.

Tu jaku dikena ngingat diberi Sapit Menteri Dagang dalam Nengeri enggau Pekara Penguna ti mega Chairman Pakatan Harapan (PH) Sarawak, Chong Chieng Jen ti madah ubah ti diperambu nya siti tuju ngangkat baru status Sarawak enggau Sabah.

Iya ti mega nyadi Kaban Parlimen Stampin enggau Chairman Parti Tindakab Demokratik (DAP) Sarawak nambahka ego bala pemesai enggau Kaban Parlimen GPS nyakal RUU ulih ngasuh status Sarawak enggau Sabah enda ulih dipulaika.

“Enti RUU tu enda diterima, Sarawak deka terus nyadi siti ari 13 nengeri di Malaysia.

“Nya alai kitai enda tau ngelepaska peluang ngemanahka Konstitusyen tu,” ku iya ba penerang berita ba opis DAP Sarawak ditu, kemari.

Nangkan nya, Chieng Jen nangkan bala Kaban Parlimen GPS nyukung RUU ti deka dibacha kedua kali ba aum Parlimen hari dua ti ka datai.

Iya mega madah Sarawak enda rugi enti nyukung RUU nya laban ubah ti diperambu nya sigi deka ngangkatka status Sarawak enggau Sabah.

“Ubah konstitusyen tu ukai ti penudi laban randau pasal hak ke bukai benung dipejalai.

“Tu pemungkal pengawa ngadu baru struktur enggau semua langgur kereja ari 13 bengkah nengeri Malaysia pulai ngagai penudik asal dalam Perlembagaan Persekutuan taun 1963,” ku iya.

Chong Chieng Jen