Disikap enggau perengkaguna 5G iya nya perengka guna pemadu baru digital

“Tu sebengkah perambu ti meruan lalu deka dikemansang ngagai endur dagang temuai baka Damai sereta endur pesaka bansa baka Brooke Dockyard, Tebing Kuching enggau masji.”

KUCHING: Darul Hana deka nyadi palan ‘smart city’ disikap enggau perengkaguna 5G enggau nyadi pemun dikena ngemanahka tikas Kampung Melayu ditu.

Kenu ku Kepala Menteri Sarawak Datuk Patinggi Abang Johari Tun Openg, Darul Hana deka diberi perengkaguna ti pemadu baru digital.

“Kitai deka Darul Hana tu nyadi sebuah ‘smart city’ ti lengkap enggau perengka 5G.

KELAI.. Kepala Menteri Datuk Patinggi Abang Johari Tun Openg bejadika Pengerami Darul Hana 2019 disempulang bala bukai. GAMBAR : Ramidi Subari

“Tu sebengkah perambu ti meruan lalu deka dikemansang ngagai endur dagang temuai baka Damai sereta endur pesaka bansa baka Brooke Dockyard, Tebing Kuching enggau masjid,” ku iya.

Iya madah baka nya lebuh bejaku lalu bejadika Pengawa Ngerasmi Karnival Darul Hana ti deka diatur kena ka 13,14 enggau 19 April tu ila.

Iya mega madah, pemansang Darul Hana tu siti chara digaga berenggat dikena ngemanahka tikas idup ba Kampung Melayu ditu.

“Pemansang berenggat ba sitak Darul Hna tu sebengkah chara ngambi ngemansangka rayat Sarawak lalu nyedia endur ke lebih manah.

“Mayuh pemansang deka digaga ba sitak Darul Hana tu, bantu beungkus RM3 Juta dikemendar dikena ngaga Muzium Darul Hana. Bisi mega pemansang baka ngaga rumah enggau Taman Islam Darul Hana,” ku iya.

Nya alai, iya madah tiap pemansang enggau ubah ti digaga kitai enda berumban.

Sarawak semina ulih dikemansangka anak Sarawak empu laban sida lebih nemu main asal kitai ditu lalu Perintah Gerakan Parti Sarawak (GPS) deka terus bejalaika tanggungpengawa dikena ngemansangka Sarawak.

Sama datai Speaker Kaunsil Nengeri (Dun) Datuk Amar Mohamad Asfia Awang Nassar, Menteri Muda Utiliti Sarawak (Bekal Elekterik) ti nyadi Kaban Kaunsil Nengeri (Adun) Pantai Damai Datuk Dr Abdul Rahman Junaidi,

Pemesai Khas Projek Darul Hana Muhamad Yakup Kari, Menteri Muda Undang-Undang, Kaul Sarawak Enggau Perintah Besai Sereta Matau Projek Sharifah Hasidah Sayeed Aman Ghazali sereta pengari ke bukai.