Identiti nya siti gaya pendiau tauka ulah sesiku orang, raban, palan dagang enggau utai bukai ti mida iya enggau orang bukai.

Ba kontek artis Iban kelebih agi ba raban band, bedau mayuh band rock kitai Iban ke udah “establish”.

Tanah Berenyang diatu benung ngentapka diri nyadi siti band rock Iban ti deka ngeluarka album sida ti keterubah.

Siti ari band rock Iban ke udah bisi album enggau lagu tebilang nya Masterpiece.

Kelimpah ari nya bisi mega band ngati kediri bukai ti bepelasarka muzik rock.

BAND TANAH BERENYANG :(Ari kiba) Jumphull, Steve Maxqueen, Dom Ulih enggau Jesley Jabu Bajang megai gitar bass.

Di Semenanjung Malaysia band rock baka Search, Wings, Lefthanded nyadi teladan nembiak rebak baru kelebih agi sida ti rinduka muzik rock.

Band rock tu ukai semina bisi lagu popular tang ngembuan identiti ti chukup kuat ari segi pendiau enggau muzik sida.

Sida tu mih ti ditunda nembiak rebak baru nyengkaum nembiak kitai Iban ti ngemeranka muzik rock.

Bekelala enggau Raban Tanah Berenyang

Lead gitar,Jimphull Mourdoc

Ketuai Band :

Nama : Jesley Jabu ak.Bajang
Nama kangau dalam industri : Jesley
Asal : Lubok Antu, Sri Aman
Instrumen : Gitar bass
Peneleba main muzik : 20 taun
Pengawa : Mechanical Technician (welder) SPC-Sarawak Energy & komposer
Band suba : Aka Dambai

Penanyi Band Tanah Berenyang, Dom Ulin

Ketuai Gitar :

Nama : Harzel Markson Harry
Nama dalam industri : Jumpbull
Asal : Kuching
Instrumen : Main gitar
Peneleba main muzik : 12 taun
Belajar di institut muzik swasta
Pengatur musik enggau injinir bunyi ba KMP
Band suba : Murdered & Deadshot.

Gitar Bass, Jesley Jabu Bajang

Penebah Drum :

Nama : Steve Maxqueen anak Morgan
Nama dalam industri : Steve Max
Asal: Kuching
Instrumen : Nebah Drum
PENELEBA: 17 taun
Gawa kediri empu
Badn suba : The Rossevelt

Penebah Drum, Steve Maxqueen

Penanyi :

Nama : Ulin Anak Empit
Nama dalam industri : Dom Ulin
Asal : Lubok Antu
Instrumen : Penanyi
Peneleba dalam industri : 6 taun
Pengawa : Ngaga kek
Band suba : Aka Dambai

RINDU…Raban Tanah Berenyang kala merindang ba Riverview Station (RVS), D’DAYAK Cafe, Paris Bistro enggau ke bukai.

Band Tanah Berenyang ditumbuhka dua taun ti udah ke alai raban iya datai ari tiga genre band ti bebida. Ambika chunto,

Jesley Jabu enggau Dom Ulin datai ari band AKA DAMBAI lalu mujur ngeluarka album NGERANSI dalam taun 2014 ari baruh kompeni rikod OCHSP.

Kelimpah ari Jesley Jabu enggau Dom Ulin raban Tanah Berenyang nya Steve Maxqueen.

Jumpbull Morcdoc nyadi music arranger Tanah Berenyang enggau kompeni rikod KMP.

Iya kala bemain band di Bali indonesia, Filipina,Thailand enggau Singapore.

Album Baru
Tanah Berenyang udah bisi perambu ngeluarka album penuh ba taun tu.

Nitihka jaku ari pengeluar Tanah Berenyang Joe L.A, dua iti lagu Tanah Berenyang udah suah dipasang ba radio Catsfm.

“Dua iti lagu Tanah Berenyang ke selalu dipasang ba Catsfm nya Sulu Peraja Mata ke berentak slow rock enggau Chelak Tiru rentak hard rock. Dua iti nya diatu benung ba proses ditapis RTM,” ku Joe.

Ba album ti deka datai Tanah Berenyang udah bisi lapan iti lagu. Mayuh agi lagu dia bekonsepka muzik “rock kapak” ke tebilang urung taun 80-an suba.

Entara komposer ke bisi mantu ngaga lagu ba album Tanah Berenyang nya Jesley Jabu Bajang, Matthius Mambang Bajang, Mathius Jhang enggau Ahlung.

“Semua lagu kami dirikod ba studio Kaban Muzik Production (KMP). Nyau ka semua konsep muzik kami datai ari penemu Mr Jumphull.

Taja pan pia kami sebuat tetap bekunsika penemu dulu sebedau netapka sebarang pemutus”, ku Jesley Jabu Bajang, siku komposer tebilang kitai Iban.

Band Tanah Berenyang suah diundang merindan di mengeri Kuching enggau Samarahan kelebih agi ba cafe enggau bistro baka Riverview Station (RVS), D’DAYAK Cafe, Paris Bistro enggau sekeda ke bukai.

“Aku arapka peminat Tanah Berenyang sabar mih nganti lagu baru ari album kami. Kami ngetankan muzik rock kapak”, ku Jesley.

Pengarap

Jesley Jabu ke nemu mega belagu meri besai terima kasih ngagai semua orang ti selalu nyukung aktiviti seni sida ari ngelamatu ti udah.

“Terima kasih mayuh ngagai Catsfm, surat kabar SUARA SARAWAK enggau bala pangan sereta peminat kami. Terima kasih mega ngagan kaban artis ke bukai. Sukung mih muzik enggau artis kitai”, ku Jesley Jabu Bajang ngujungka randau kami duai.