KUCHING: Beduduk ari penyadi ngebom sebuah gerija di Sri Lanka, dia Gerempung Gereja Sarawak (ACS) ngelalau mensia mayuh sama bela nyaga pengelikun, mereti sereta bebasaka pengidup orang bukai lalu beratika pengawa nadai sekat dalam pengarap awakka ulih nnyeliah ulah kasar nengah kaul entara mensia sereta semangat Paska.

Ba siti penerang berita kemari, pengarap siti pekara sentang kaul kitai enggau Tuhan lalu enda patut nyadika senyata tauka kebuah ngagai sesebengkah penanggul tauka ulah kasar.

“Patut bisi pengawa bebasa ba pengidup mensia sereta nadai sekat dalam pengarap ngambika mensia mayuh ba selampur menua ulih idup dalam pengelikun sereta lantang,” ku iya.

ASC madah hari endur bala Kristian patut gaga ngintu pengerami Hari Paska betukar nyadi hari alai semua mensia ngulit, lalu pekara tu siti pekara dikira nadai ati kasih ke orang bukai sereta semua begempung begulai enggau sida ke nadai penyalah tu.

“Hak ngagai pengidup sereta nadai sekat ba pengarap tu pekara ti pemadu tinggi entara mayuh hak ke bukai ba baruh diaku Universal Hak Asasi Mensua, lalu patut dipebasa sereta ditanka semua mensia nadai ngira bansa tauka pengarap,” ku iya madah.

ACS mega minta ari perintah awakka ulih nulung nyaga tiap bengkah palan pengarap baka surau, masjid, gerija, enggau palan pengarap ke bukai laban sida nadai bantu tauka orang ke landik nulung sida.

“Kami chukup komited dalam pengawa ngelakuka pengelikun sereta pemanah dalam tiap pegai pengarap ba nengeri sereta menua tu,” ku iya.

SINU…Gaya sebuah gerija ke kena bom di Sri Lanka.