Jalai Raya Sichuan- Tibet di China

Siti jalai 2, 140 kilometer pemanjai. Jalai tu besambungka Chengdu di Sichuan China enggau Lhasa di Tibet. Tebiang, lichin sereta suah tusur.

Jalai Raya Amur -Yakutsk di Rusia

Ngembuan 1, 235 kilometer pemanjai. Jalai tu mega disebut orang “Road of Bones”. Semina ulih ditengah perengka pengangkut 4 × 4 aja. Mayuh orang udah lesi bebadi ba jalai tu.

Jalai Zoji La Pass di INDIA

Pemanjai jalai tu 9 kilometer. Chukup tebiang; 3, 528 meter peninggi. Enti dipeda ari atas iya baka ‘zigzags’.

Jalai Utara YUNGAS di BOLIVIA

Jalai tu mega disebut orang ‘The Road of Death’. Dalam taun 1994 nyin suba 300 iku orang bebadi nyawa ditu.

Jalai Killer- Pangi, di Via Kishtwarb di India

Jalai ke panjai 114 kilometer enggau 2, 524 peninggi. Enda tentu ulih endur kerita begelih enggau bepansa laban sempit.

Jalai Stelvio di Itali

Tebiang sereta lichin. Lebuh maya hari jai dia mayuh kerita tepawah ngujungka sida eksiden.

Jalai Guoliang Tunnel di China

Sebedau jalai digaga, orang dulu ngebom endur tu; mechahka batu enggau ngerataka tanah tebiang. Pemesai jalai semina 12 kaki enggau 15 kaki peninggi.

 Bending di Bukit Tianmen- Zhangjiajie di China

Jalai ti chukup dipeda sereta ngasuh rawan. Iya mega disebut orang 99 – Bend Road to Heaven. Mayuh orang udah bebadi ditu kelebih agi maya hari jai.

Jalai tu ukai semina lichin tang orang ke nengah jalai nya suah dirumpak enggau dibunuh bala penyelawai. lebih agi malam hari.

Jalai Los Caracoles di Chili

Siti jalai besambungka Argentina enggau menua Chili. Suah endur bebadi laban nadai notis pengelikun enggau tanda jalai.

Killer Highway di Filipina

Jalai tu di Quezon City. Mayuh orang bebadi ba jalai tu laban nadai tentu undang-undang dikena bejaga ba jalai nya.

Jalai Atlantik di Norway

Siti jalai jematan tebing tasik. Enti lebuh angin balat, kerita ke benung nengah jalai nya tau rebah tauka tumbang.

Jalai Tengelam tauka La Passage Da Gois di Perancis

Jalai tu semina ditengah beberapa jam aja sehari. Limpas ari jam nya iya deka tengelam.