KAPIT: Raban JPJ Kapit udah mujur ngerampas sebuah kerita ke dipechaya kerita klon enggau tu mih keterubah kes baka tu bisi diripot nyadi ba bagi menua tu.

Kerita import, Toyota Wish tu tadi ditemu sebuah kerita klon sepengudah raban penerit adat meresa lumur plat, lumur chasis enggau lumur injin kerita tu.

Raban penerit adat tu betuaika, Steven Ong bisi bejalaika operasyen ngempang jalai ba Jalai Bleteh ditu.

Kerita klon tu tadi ditemu sida nguna lumur plat ti pelesu sereta nguna plat kerita orang bukai.

Kelimpah nya orang ke deriba kerita tu ditemu ngembuan empat buah ripot saman ngelama tu.

Deriba tu mega bisi meli kerita nengah chara online ba laman web bejual beli kerita.

Berebak enggau nya, JPJ ngelalau mensia mayuh anang jampat tepapa meli kerita import enggau rega ti murah sereta sida tau mansik tauka betanya silik ngagai opis JPJ ke besemak enti bisi penangi sentang pengawa bebelika kerita.

KERITA KLON…JPJ Kapit begambar ba mua sebuah kerita klon keterubah ke mujur dirampas sida di Jalai Bletih.