TYT ngulu pengerami ngintu genap 50 taun penumbuh Hikmah

KUCHING: Tuai Pemegai Menua (TYT) Tun Abdul Taib Mahmud ngulu pengerami ngintu genap 50 taun penumbuh Hikmah ba sebuah hotel tebilang ditu pagi tu.

Sama bisi datai Kepala Menteri Datuk Patinggi Abang Johari Tun Openg enggau bini iya, Datuk Amar Juma’ani Tun Tuanku Haji Bujang.

Organisasyen tu ditumbuhka Kongress Malaysia Timur ba taun 1968 serta direjister rasmi kena 3 April 1969 ngena nama Angkatan Nahdatul Islam Bersatu atauka Bina (nama lama).

Bina udah nya ditukar nama ngagai Harakah Islamiah tauka Hikmah ba taun 1995 nyentuk ke diatu lalu bulan April tu umur iya genap manggai 50 taun.

Naka ke diatu, Hikmah bisi 13 bengkah pampang lalu bisi 114 iti ranting ti mungkur lebih ari 8,000 peranak selampur Sarawak enggau Wilayah Persekutuan Kuala Lumpur.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak