Ruai nguna sistem sepil Iban standard

“Nya alai, tu endang engkeman dibacha nembiak rebak baru dikena nambahka penemu dalam Jaku Iban.”

SRI AMAN: Nembiak Iban rebak baru Iban patut bemalinka lambar Ruai dalam surat kabar Suara Sarawak nyadika malin.

Pengajar Jaku Iban Sekula Sekondari (SMK) Sri Aman Siward Duju, 54 chukup rindu meda chara karang dalam surat kabar nya kelebih ba lambar Ruai.

Ku iya, sistem sepil nya meh sistem sepil ke diatu (standard) ti diajar ba sekula.

“Aku ngasaika Lambar Ruai tu entara ke pemadu manah.

ULIH NYADI MALIN… Siward Duju (kiba) nunjukka jaku Iban ti ayan ba lambar Ruai ngagai bakih iya Niklas Eddie, 37.

“Bisi sekeda orang, sida semina ngemeratka chara nyebut tang enda ngemeratka sepit nya alai, enda engkeman. Aku meda orang ke nulis tu silik lalu ngemeratka tusun sistem jaku ke dikena.

“Nya alai, tu endang engkeman dibacha nembiak rebak baru dikena nambahka penemu dalam Jaku Iban,” ku iya lebuh dirandau Suara Sarawak.

Iya madah semua isi dalam surat khabar Suara Sarawak tu endang chukup manah.

“Ari sukut fizikal iya dipeda kompak, tang isi iya chukup manah, ngemantup ati lebuh macha surat kabar tu,” ku iya.

Lambar Ruai dalam Suara Sarawak ngembuan lapan lambar penuh enggau infomasyen ke narit ati.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak