BINTULU: Beserimbai enggau ngintu Gawai Dayak 2019, Menteri Kereja Raya Baru Bian ngenatai jaku pesan seraya nibarka jaku lalau ngagai sida ti betengahka jalai alun.

“Meri tabi basa ngagai semua, ngarika kami sebilik enggau kesemua staf opis menteri aku deka meri selamat ngintu Gawai Dayak ngagai semua rayat Malaysia kelebih agi bansa Dayak ti ngerami Gawai kena 1 Jun ninting taun.

“Ngarapka Gawai Dayak taun tu diintu enggau richah, dalam pengelantang enggau likun,” ku Baru ke mega Kaban Parlimen Selangau.

Pia mega ku iya, nuju sida ti mulaika diri ke menua begawai begulai enggau diri sebilik patut beratka pengelikun diri.

“Bejimat maya deriba, peresa dulu entukar kelebih agi tayar sereta kereban bukai nentuka pengelikun diri.

“Tambah mega jalai mayuh empai likun diatu kelebih agi mayuh jalai besai benung digaga,” ku Baru ke mega Adun Ba’Kelalan ngelalau.

Nangkan nya ku Baru, kemeranka ulah seruran ngadang diri enggau bebatak asur patut bisi kelebih agi ngagai bala penguna laban pekara baka tu chukup dikemeratka kitai.

Kepenudi, Baru sekali agi meri selamat Gawai Dayak, gayu guru, gerai nyamai sereta terima kasih ke sukung semua ngelama tu.

SELAMAT GAWAI DAYAK… Gambar kenang Baru Bian enggau sida sebilik.

 

PESAN GAWAI… Baru Bian begulai enggau bini iya, Yu Ching Sieu meri Selamat Gawai Dayak ngagai semua.