SIBU: Siku indu nyelai pendiau (OKU) ti diripot lenyau kena Hari Tiga tu tadi mujur ditemu lemai ensanus (Hari Empat).

Oliviana Gindi beumur 24 taun, asal ari Rumah Nuang, Jalai Durin ditu ditemu urung pukul 5.53 lemai, penyauh 1 km ari rumah panjai sida.

Palan Ngatur Operasyen (PGO) Bomba Sarawak ba penerang berita kemari madahka indu nya ditemu likun tang lemi tulang.

Iya udah nya dibai ngagai raban ambulans lalu dianjung ngagai sepital ngambika diperubat.

Lima kaban bomba diketuai PB Mohd Sufian Abdullah ngaul diri ba operasyen ngiga enggau nyelamat (SAR) nya.
Sama dikaul Unit Pengesan Anjing (K9) Polis Diraja Malaysia (PDRM) enggau Raban Nyaga Pengelikun Mensia Mayuh (APM).

Urung pukul 7 pagi Hari Tiga, indu nya ditemu sida sebilik lenyau pengudah ti dipelaba pansut ari ujung bilik sida.
Siti ripot polis udah digaga apai iya di Opis Polis Sibu Jaya ditu.

LEMI TULANG… Oliviana ditemu raban SAR.