LIMBANG: Siku lelaki lenyau dipelaba labuh pengudah perau iya ditemu raban berikan.

Jimney Abdullah @ Tan Hui Ming, 38 diripotka lenyau ba tasik Kuala Sibukang, Limbang Sarawak, kemari.

Pemangku Sapit Direktor JBPN, Tiong Ling Hii madah, lelaki nya mindah kediri ke tasik meleka ari Pengkalan Kampung Sibukang urung pukul 6.30 pagi laban deka ngiga ketam.

Apai tiri iya ngaga ripot polis madahka anak tiri iya nya lenyau ba tasik.

“Peranak dia madah ngagai apai tiri Jimney ke alai sida bisi tetemuka perau tang iya empu nadai dia urung pukul 12 tengahari.

“Perau iya ditemu bakih iya empu urung pukul 12.30 tengahari ba nanga Sungai Sibukang,” ku iya nerang.

Taja pia, sida semenua melabaka Jimney ditagup baya laban sekeda umpan ketam nadai dia.

Lebih ari 15 buah bot peranak dia mantu ba pejalai operasyen ngiga Jimney.

Operasyen dipejalai nyentuk pukul 10 malam lebuh ai surut lalu pinto ketam ulih dipeda.

BESAUP… Peranak kampung bela besaup enggau raban bomba nyidi enggau nyelamat lelaki ti lenyau.

 

NGATUR STRATEGI… Raban bomba enggau JPAM begelumu di Pengkalan Kampung Limpaki.

 

BOT JIMNEY… Bot ti dikena Jimney nya sebedau diripotka lenyau ba tasik.