KUCHING: Perambu digaga perintah nengeri ti deka ngemanahka struktur sistem Kort Bumiputera di menua tu patut disukung.

Ment ri Kereja Raya ti mega nyadi Chairman Parti Keadilan Rayat (PKR), Baru Bian madahka iya nyukung atur digaga perintah nengeri dikena ngemanahka agi struktur sistem Kort Bumiputera.

“Nama-nama aja sistem ti lemi patut dikemanahka agi.

“Peneleba dalam Kort Bumiputera di Sarawak ngasung aku ngasaika kitai endang patut ngemanahka agi diri kitai empu,” ku iya.

Baru mansutka jaku nya lebuh dirandau raban pemberita ba Pengerami Ngelaluka Pengabang ti diatur di Dewan Serakup Besai Dayak Bidayuh (DBNA) ditu, kemari.

Ensana, Kepala Menteri Datuk Patinggi madah siti komiti ti betuaika Sapit Kepala Menteri Datuk Amar Douglas Uggah Embas udah ditumbuhka dikena ngemanahka struktur sistem Kort Bumiputera Sarawak.

Tu dikena mutarka penanggul bekaul enggau tradisi sereta main asal, nyengkaum pekara tanah enggau hak adat
Bumiputera (NCR).