Atlit ke dipilih nyereta Suksar serak tu sida ke beumur 19 taun ke baruh

“Tuju umur tu ditetap ba tikas umur nya ngambika kami ulih milih bala nembiak ti bepenau ngarika Sarawak ba Lumba Malaysia (Sukma).

KUCHING: Lumba Sarawak (Suksar) 2019 endang pelasar ke pemadu manah dikena milih atlit biak ungkup ngarika nengeri tu ba Lumba Malaysia (Sukma) 2020.

Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah, nya kebuah tikas umur ulih nyereta Suksar iya nya nembiak umur 19 taun ke baruh.

“Tuju umur tu ditetap ba tikas umur nya ngambika kami ulih milih bala nembiak ti bepenau ngarika Sarawak ba Lumba Malaysia (Sukma).

ARAPKA MUJUR… Abdul Karim enggau Menteri Muda Nembiak enggau Lumba Datuk Snowdan Lawan (dua ari kanan) meri penerang pasal Suksar 2019 rambau aum pemberita di Stadium Nengeri Sarawak, tadi.

“Tu mega siti jalai kitai nerenak ulah lumba ba bala nembiak rebak baru,” ku iya.

Abdul Karim madah munyi nya lebuh aum pemberita bekaul enggau Suksar 2019 di Stadium Nengeri Sarawak ditu, siang tadi.

Iya mega madah Suksar serak tu deka diatur di zon utara iya nya di Miri.

“Tu mega deka meri peluang ti manah nyungkak dagang dalam menua lebih agi ba mengeri Miri ungkup sektor dagang temuai.

“Urung 1,500 nya semina ari bala atlit enggau raban komiti pengatur Suksar aja, lalu bedau agi nyengkaum bala apai indai ti ngiring bala anak sida ngulu pengawa nya,” ku iya.

Kelimpah ari nya, ku Abdul Karim, Suksar 2019 nadai nyengkaum Para Suksar baka taun ke udah.

“Taun ke udah, Suksar 2017 bisi mai raban atlit ari Para Suksar.

“Taun nya suba mega, urung 132 iku atlit Suksar tauka 19 peratus mujur ngarika Sarawak ngagai renggat Sukma,” ku iya.

Sida tu dipilih bepelasarka disiplin ti manah sereta penyulut sida dalam lumba ti diarika sida, ku Abdul Karim nerang.

Lebuh dirandau bekaul enggau ungkus dikena bejalaika Suksar 2019, iya madah tiap zon deka diberi ungkus belanja kediri alai sida bejalaika proses nyikap diri napi Suksar.

“Bala ejensi perintah tauka swasta mega deka mantu begiga sponsor dalam bejalaika pengawa tu.

“Baka taun ti udah mega, ungkus belanja bejalaika Suksar 2019 iya nya urung RM4 juta,” ku iya.