SIBU: Mensia mayuh diperansang nyereta Pekit Nyumpit Bebala Mayuh beserimbai enggau Pengerami Main Asal Dayak Borneo (BDCF) 2019 diatur Kelab Nyumpit Sibu (KMS) kena 21 Julai tu.

Nitihka penerang media kemari, palan pekit iya nya ba Dataran Bandar Sibu Fasa 1 berengkah pukul 7.30 pagi nyentik 6.40 lemai.

Pekit tu dibagi ngagai dua kategori iya nya kategori lelaki kediri penyauh (22 meter enggau 28 meter), indu kediri (16 meter enggau 19 meter) sereta kategori lelaki beraban (22 meter enggau 28 meter) lalu indu beraban (16 meter enggau 19 meter).

Bayar panjar nyereta pekit RM15 ungkup kategori kediri, RM20 (beraban) enggau RM40 (enti masuk kededua kategori).

Perais disedia ungkup bala pemenang iya nya duit enggau trofi.

Sebarang penerang silik tau betanya terus nuju Mingat Bakil ngena lumur 019-9967978 tauka Nicholas Engong Jugah (0169211341).