S’wak puang ditinggal ketuai bejasa

KUCHING: Pemidang ex-Sapit Menteri Kuasa, Teknologi Gadung enggau Ai Datuk Seri Dr. James Dawos Mamit pagi tadi pengelenyau besai ngagai Sarawak.

Kepala Menteri Datuk Patinggi Abang Johari Tun Openg madahka diri berasai sinu lebuh ninga berita nya tadi.

“Aku berasai sinu ninga rita nya tadi, lalu pemidang niang ngasuh kitai di Sarawak berasai puang amat.

“Mayuh udah jasa niang ngagai Sarawak lebuh mangku pengawa nyadi sapit menteri suba,” ku iya.

Abang Johari mansutka jaku nya lebuh ditanya pemberita rambau Pengawa Nutup Aum Besai Entarabansa Ekonomi Digital Sarawak (IDECS) ba Palan Aum Borneo Kuching (BCCK) ditu, tadi.

Sapit Kepala Menteri Datuk Amar Douglas Uggah Embas mega bisi ngenataika penyinu ati ngagai sida niang sebilik.

“Ba komuniti Dayak, tu pengelenyau pemadu besai ngagai kitai.

“Aku lama udah ngelala iya, lalu iya tu siku ari orang ti pemadu ‘beguna amat’ bekaul enggau pekara rampa menua lebuh megai pengawa suba,” ku iya.

Niang deka disembiang ba Gerija St Ann Batu 10 Hari Lima lalu deka ditumbak ba pendam menua asal niang empu di Kampung Stabut, Padawan.

Datuk Patinggi Abang Johari Tun Openg

 

Datuk Amar Douglas Uggah Embas
Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak