KAPIT: Menteri Muda Pemansang Insrastruktur enggau Pemansang Penyangkai Kapal Sarawak, Datuk Haji Julaihi bin Haji Narawi udah ngatur pejalai ngabas taba Jalai Menuan/Nanga Setepus Renggat Satu apin lama ke udah.

Ku Julaihi, batang tuju pejalai iya endang deka betemu sereta berandau enggau bala kunteriktor ti dipadu gawa ngaga jalai nya.

“Aku kitu laban deka berandau enggau piak kunteriktor kelebih agi pasal projek enggau naka ni pengawa udah dikereja sida.

“Tambah mega aku deka mendingka penemu enggau sebana sida ti diau besemak enggau jalai ti deka digaga tu,” ku Julaihi nerang.

Julaihi ngarapka peranak menua tu ulih meri kerejasama nentuka kereja lanchar enggau mujur tembu nitihka perambu 23 Julai 2021.

NGABAS… Julaihi (tengah) beratika penerang ari pemesai dipadu gawa merambu Jalai Nanga Menuan/Nanga Setepus Renggat Satu.