MIRI: Siku peranak Indonesia dipelaba lenyau pengudah sebuah perau ti ditepan iya karam di Sungai Suai, Batu Niah, kemari.

Penerang tumu nemu perau ti ditepan tiga peranak Indonesia ti ngundan tandan sawit nuju Kilang Green Field karam maya ngelayang sungai nya.

Dua iku ari sida mujur diselamatka mensia mayuh ti benung nginti enda jauh ari palan penusah nya.

Penerang ari Palan Gerakan Operasyen Bomba Miri madahka operasyen ngiga Yanto Olin, 34 taun benung dipejalai ngena sebuah bot bomba enggau dua perau peranak kampung enda jauh dia.

Ripot pasal penusah nya diripotka ngagai BBP Miri jam 10.11 pagi kemari.

Komander PBKII Abang Mohd Fadzil madahka operasyen disereta enam iku raban Bomba, lima raban Polis Diraja Malaysia (PDRM) enggau enam iku peranak kampung mantu ngiga orang ti lenyau nya.

NGIGA…Raban Bomba enggau peranak kampung benung ngiga orang ti lenyau ba palan penusah nyadi.