KUCHING: Utai tumbuh dikumbai rumpai tau nyadi sum gadung ulih nambahka pengami tanah ari pemansut organik enggau nutrisyen ti pansut ari utai tumbuh nya.

Sapit Kepala Menteri ti mega Menteri Betanam Betupi, Tanah Adat enggau Pemansang Kandang Menua Datuk Amar Douglas Uggah Embas madahka rumpai iya nya sebansa utai tumbuh bechura gadung.

“Rumpai tu deka nambahka pengami tanah laban mayuh ngundan pemansut organik enggau nutrisyen ti ulih nyadi sum.

“Nitihka pansik, urung lima ngagai 15 tan sum ulih ditambah ari rumpai tu bepanggai ba bansa rumpai idup ba tanah,” ku iya.

Uggah bejaku munyi nya lebuh bejadika Aum Besai The Asian-Pasific Weed Science Society (APWSS) Ke-27 ba sebuah hotel tebilang ditu, tadi.

DIPEBASA… Uggah (dua kiba) bejadika APWSS Ke-27 ba sebuah hotel tebilang ditu tadi. Gambar NADIM BOKHARI