KUCHING: Palan Pematih Pemansang Nembiak (Centexs) deka ngatur program khas dikumbai Pesaka Kulinari (Culinary Heritage) ba taun baru.

Ketuai Pemesai Eksekutif Centexs Syeed Mohd Hussien Wan Abdul Rahman madahka program tu disedia dikena nyaga chara ngaga pemakai asal bansa ti majak lenyau.

“Program kulinari tu khas dikena ngiri penau ngagai nembiak baru ngaga pemakai asal dikemisi menua Asia.

“Kebuah pia laban kitai keran ngetanka pemakai asal ti majak enda dikelala rebak baru,” ku iya.

Syeed bejaku munyi nya lebuh ditanya pemberita maya ngelawa Pekit Teknologi Fasyen di Karnival Tvet Malaysia ba Palan Aum Borneo Kuching (BCCK) ditu tadi.

NERANG… Syeed Mohd Hussien nyaut tanya bala pemberita ba Pekit Teknologi Fasyen di Karnival TVET Malaysia ba Palan Aum Borneo Kuching (BCCK) ditu tadi.