BINTULU: Projek kilang methanol ke deka ditumbuhka Sarawak Petchem ba Tanjung Kidurong Bintulu disadang nyendiaka pengawa puang ngagai 4,000 pengereja.

Ketua Menteri Datuk Patinggi Abang Johari Tun Openg madahka kilang metanol tu disadang tembu taun 2022.

Ku iya, sepanjai timpuh projek dipejalai endang begunaka mayuh pengereja nyengkaum bala staf.

Pengawa puang tu disedia ungkup rayat Sarawak kelebih agi sida ti diau ba kandang menua Bintulu.

Iya mansutka jaku nya lebuh bejadika Pengawa Nasih Tanah Taba Projek Metanol Sarawak, ditu tadi.

ARAP MUJUR… Abang Johari bejadika Pengawa Nasih Tanah Taba Projek Metanol Sarawak seraya dikemata bala bukai, ditu tadi.